الأحد، 17 أبريل، 2011

الموسيقى الفرعوني

بتضايقني قوي بلا استثناء كل الافلام اللي بتتكلم على مصر الفرعونية لسبب واحد مشترك ... المزيكا .... دايما بيعرضوعها بدوية او فارسية او حتى عبرية او اي حاجة تانية مش بتحسسني خالص بمصر الفرعونية ... كنت بتحسر جدا ... نفسي اسمع موسيقى فرعونية قديمة زي اللي كان بيسمعها اسلافي و بيبدعوها ... لكن الحل كان تحت انفي .... مزيكا الالحان القبطية .... الالحان دي كتير منها موجود من القرون الاولى بعد الميلاد ... ربما كان فيه تاثر بالحضارات اليونانية و الرومانية و البطلمية لكن اكيد مش تاثير جذري ......... الطف حاجة في اسبوع الالام الالحان .... الحان طويلة و حزينة بيعتبرها ناس كتير ملل .... لكنها فعلا بتلمسني .. بتوصلي اللي المفروض يوصل ... الحان عبقرية ... و اللي مالفها عبقري ... بغض النظر عن اي تحفظات على الكنيسة القبطية لازم نعترف انها حافظتلنا على تراث فرعوني ضخم ...... سعيدة باسبوع الالام .. بكل طقس فيه ...... كل سنة و انتم طيبين ....
                                                                                                                              ميريت

هناك 7 تعليقات:

  1. الله..!! اخيرا حد لقطها :))

    ردحذف
  2. وانت طيبة
    كرسيك يا الله إلى دهر الدهور

    ردحذف
  3. @ميشيل حنا
    البلوج نور بزيارتك

    ردحذف
  4. منور باصحابه :)
    بس ياريت تشيلي الصورة اللي في الخلفية
    القراية صعبة قوي

    ردحذف
  5. متهيألي كدة القراية اوضح ؟؟

    ردحذف
  6. انا من عشاق الفراعنه تسلمي

    ردحذف