الاثنين، 11 أبريل، 2011

اه يا بلادي

لما عرفت ان المدون مايكل نبيل اتحكم عليه بالسجن 3 سنوات بتهمة العيب في ذات الجيش الالهية بعد تضليل محاميه  (التفاصيل هنا) .. افتكرت جملة كان كاتبها مايكل " ضرورى يكون عندنا الشجاعة اننا نعترف ان الثورة فشلت ... الحالة الثورية انتهت ، و الثوار مسجونين فى السجن الحربى ، و اللى قتلوا اخوتنا لسة فى مناصبهم ... خسارة يا مصر " ....
الجملة المتني ساعتها جدا و قررت اتناساها .. لكن بعد الحكم الجهنمي اللي اتحكم بيه عليه مقدرتش مافتكرهاش ........ واضح ان الجيش بيستهبل او بيلعب معانا صلح .... يعني استبدلنا مبارك بمجلس اعلى من مباركين كتير .... و استبدلنا امن الدولة بزوار الفجر .... و استبدلنا الامن المركزي بالشرطة العسكرية .... و الريس لسة بيطلع  يفقعنا ببيانات يضيع فيها مستقبل كتير من الشباب  - و البنات كمان على فكرة - ... و حرية الراي و التعبير اتحكم عليها بالسجن 3 سنين لكن الفساد مطلوق علينا ..... بالزمة دة مش اسمه تهريج ؟؟؟!!!!! حتى لو اختلفنا على مايكل و افكاره ....
 الحل ايه بقى ؟؟ معنديش رد محدد ... لكن الرزع في الجيش مش صح .. ممكن نضغط عليه بطريقة غير مباشرة في استمرار الاعتصام مثلا .. او نشر اخطاء بسيطة للجيش نخليه يعمل حساب للراي العام .... لكن بجد لو سكتنا و الموضوع عدى كدة يبقى بيعنا دم اللي ماتو بالرخيص قوي ..... 
                                                          ميريت

هناك تعليقان (2):

  1. الثورة فشلت فى رأيى من يوم 25 يناير،عارفة منظر المحرقة،الأتون اللى بيترمى فيه شباب زى الفل،احلام زى الورد،انا شفتها بعينى من يوم 25 يناير وحتى هذه اللحظة من الذعر و فقدان الحيلة.
    مايكل سند محبوس من غير تهمة،محبوس بقرار عشوائى،محبوس وهما مش عارفين حبسوه ليه،مايكل سند رغم اعتراضى الشديد على شخصه هو الشهيد الأول لهذه الثورة.اللى ماتوا ماتوا غدر.اما سند فذهب الى قدره برجليه.

    ردحذف
  2. لسة فيه امل يا تينا .... لسة بجد ... فيه وقت تحرك و نعمل حاجة .... الخوف اننا ننام في العسل و ننسى .... و هو دة اللي يزعل

    ردحذف