الجمعة، 26 أكتوبر 2012

ده مدفوع فيه فلوس ده !!


الزواج ما هو الا نظام اجتماعي فاشل ذو اصول بدائية مهينة لي كانثى تتلخص في الاتي .... 
بما انها كامرأة  ليس لديها القوة العضلية الكافية للحياة في عصر يكون فيه البقاء للاقوى اذا فهي تمثل عبئ في اسرة المسمى بأبيها  فكان لابد من انه يتنازل عنها مقابل مبلغ من المال لرجل اخر للتزاوج في مقابل توفير وسائل المعيشة لها - الجنس مقابل الماكل و المسكن - ... تصبح ملكه مشتراه بماله و طاعته واجبة ... كل و ظيفتها في منزله هي التزاوج ...


ظلت الفكرة متوارثة لعصرنا هذا لكن مع بعض الزخارف الفارغة ..... و لكنها تظل ملكه و طاعته واجبة و كل وظيفتها التزاوج ........... 

" عريس كويس .. متدين - هع - ....عنده شقه سبع اوض و عربية هيونداي و مرتبه 6000 جنيه في الشهر ... سنه كويس ... و شكله مقبول ... بيدور على عروسة حلوة و بنت ناس - بما ان الباقي ولاد كلب -" ..... احيه يا جدعان ......

دة لو بيشتري تلاجة كان عرف مواصفاتها اكتر من كدة .....

واحدة بتبيع لامؤاخذة حاجتها بشقة 7 اوض .. تتنقل من ملكية ابوها لملكية راجل تاني مقابل بعض الحاجات التافهه .... ما تخرجش غير باذنه و ما تتنفسش غير باذنه و تقعد في البيت تعمل الاكل و تربي عياله و تغسل هدومة و بالليل تتحول الى مبولة ... دة يبقى اسمه ايه !!! ... 

مش قادرة استثنى من دة اللي بيسموه جواز عن حب ....... لما يبقى لامؤاخذة قمصان نومها و غيارتها فرجة للي يسوى و اللي ما يسواش ...... كل الناس ناطيين في بنطلونها يعني .... دة غير الملايات و الفوط ..... بالزمة هيستفيدوا ايه لما يتفرجوا عالفوط!! ...... اللي تعرفهم و اللي ما تعرفهمش ..... عشان بس يعرفوا ان البت مصروف عليها يعني !! ........

مش عارفة لو سمعت كلمة عقبالك تاني انا ممكن يجرالي ايه !!! ......
                                                                              ميريت

الخميس، 18 أكتوبر 2012

عبث

عبث ..... نعم عبث ....... و لكنها تلك اللحظة التي تعشق فيها عبثها ...... كانك انتهيت لتوك من علاقة حميمة .......... تداعبك الحياة للحظات .... لا لن تدوم ...... و لكنها تسمح لك بالتنفس كي تستمر في تشبثك العابث بها ......
                                                                                                                           ميريت