الاثنين، 4 أبريل، 2011

عقليات عفنة

انهما ليستا غريبتين عني ... زميلتان مقربتان لي في الكلية ... كنا نجلس جميعا سويا مجموعة كبيرة من البنات خرجنا نغير جو الكلية الكئيب .... ديانات و افكار و اتجاهات و امزجة مختلفة .. لكننا جلسنا في مرح نحكي و نضحك .. الحديث تطور من النكات للمواضيع الجادة و وصلنا للبهائيين .... هنا تركنا قيادة الحديث لاحدى صديقاتي ذات العقليات الفزة و جلست انا اسمع الجدال .... " ما المشكلة في ان يتحول احد الى البهائية ؟؟ " قالتها صديقتي و انهالت التعليقات التي تفقد المرء قدرته على الانجاب ... " انت عبيطة يا بنتي .. يعني اية اية المشكلة ؟؟؟ " .... " لازم اجبرها ترجع عن اللي في دمغها " .... "يعني لو واحدة صاحبتك عايزة تنتحر هتسيبيها؟؟"..... " و هتفضل لسة صحبتي ؟؟؟" ...... "احنا هنا كلنا اصحاب ديانات سماوية بنعبد ربنا دول لا" .... جلست استمع للتعليقات و لدفاع صديقتي .. كنت متاكدة اني لو تدخلت في مثل هذا الحديث العقيم المفقود فيه نقطة يتلاقى فيها الحوار ساجرح  حياء احداهن  ..... تجبريها اييية و تنتحر مين و سماوية على انهي اساس؟؟؟؟؟؟؟!!!!!!!! ..... ماحنا لو كنا مسيحيات بس كنتي قلتي ما صاحبش غير مسيحيين .... و كان هيبقى ايه شعورك لو اتقال نفس الكلام على واحدة بهائية حولت للمسيحية؟؟!!!! .......... ما هذا الخراء الفكري المنتشر؟؟؟؟؟؟؟؟؟؟!!!!!!!!! ... المضحك في الموضوع اننا تحدثنا في نفس الجلسة على ازدواجية المعايير و كيف انها مرض متوطن  ... ابهذا تعالجن الامراض ايتها الطبيبات؟؟؟؟؟!!!!!!!!!!! ......... عزيزتي منك ليها .. افهموا دي .... الاتجاهات الدينية مش قضيتكوا ....  اذا وجد الله .. كان اقدر على حماية نفسه ..... بس كدة .........
                                                                ميريت

هناك تعليقان (2):

  1. بالنسبة لقلة الأدب اللى هقلها!
    انا الموقف ده سيظل محفوراً فى ذاكرتى كدليل على الغباء و الظلم البشرى،كان نفسى أقولها هو مين بروح امه اللى قسم الاديان سماوية و غير سماوية و طالما كلها سماوية ليه منؤمنش بيها و يعنى ايه سماوية اصلا..احيه..
    الديانات التى يدعون انها سماوية هى التى ترتبط بكيان واحد اسمه (الله) وهو كيان سام يسكن السماء و كل عقيدة لها سماءها بقى،انا أؤمن بوجود الله باسمه هذا لأنى لا اعرف غير هذا الأسم و ثقافتى من ثقافة الشعوب التى تعبد الشخص الذى لا اعرفه ولا احبه،الله بتاعهم غير الله بتاعى.احبك يا رب،مش ياللى واقفلنا بالفلكة على باب الفردوس و ياللى هتحرق البهائيين عشان اختاروا يوصلولك بطريق بهاء الله.

    ردحذف
  2. الجهل والتخلف والعفن العقلى بقى متفشى بشكل بشع فى المجتمع

    مش عارفة امتى العقول دى هتنضف ؟؟؟

    ردحذف